သူ့အချိန်နှင့်သွားနေသောလူ့သက်တမ်း

၃:၂ မွေးဖွားရသောအချိန် ရှိသည်။ လူသည် မိမိမွေးနေ့ရက်ကို အစိုးမရနိုင်ပါ။ သာမန်အားဖြင့် မိဘများက (၉)လတိုင်တိုင် စောင့်မျှော်ရသည်။ သေရသော အချိန်လည်း ရှိသည်။ ယနေ့ခေတ်လူများ သက်တမ်းသည် ပျမ်းမျှ(၇၀)နှစ် ဖြစ်သည်။ ဆာ ၉၀:၁၀အရ ထိုအရွယ် ကာလသည် သေသင့်သောအချိန် ဖြစ်သည်။ လူ့လောကတွင် လူသားများအသက်ရှင်ရမည်ကို ဘုရားသခင်က စီရင်ထားသည်။ သို့သော် ယုံကြည်သူ ခရစ်ယာန်များအတွက် လူ့ဘဝသည် ရောဂါဝေဒနာ ခံစားဖို့၊ ကံကြမ္မာဆိုး ဝိဘတ်ငင်ဖို့ မဟုတ်။ မိမိအမှု မပြီးမချင်း သေနေ့မစေ့ဟု ခံယူသိရှိကြသည်။ ခရစ်ယာန် များ၏ လူ့ဘဝမျှော်လင့်ချက်သည် သေခြင်းမဟုတ်။ သခင်ခရစ်တော်ကယ်တင်ခြင်း ဖြစ်သည်။ ဓမ္မဆရာ Peter Pell က” အောက်အရပ်၌ ကျင်လည်ဖို့ လူဖြစ်ရသည်မဟုတ်။ အထက်အရပ်ကို မျှော်လင့်ချက်ထားဖို့ လူဖြစ်ပါသည်ဟု ဆိုဘူးသည်။” စိုက်ပျိုးရသည့်အချိန် ရှိသကဲ့သို့ ပြန်လည်ရိတ်သိမ်းရသည် အချိန်လည်း ရှိသည်။ လူအများထင်သာ မြင်သာ ရှိအောင် လူသားများကမ္ဘာဦးမှစ၍ ရင်းနှီးကျွမ်းဝင်သော စိုက်ပျိုးရေးလုပ်ငန်းဖြင့် ရှင်းပြထားသည်။ (က၈:၂၂)။